ՆՈՐՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ
ՆՈՐՈՒԹՅՈՒՆՆԵՐ
  • «ԿԱԶԱ»-ն՝ ի նպաստ տեղահանված անձանց սոցիալ-տնտեսական ինտեգրման

    Տնտեսական ինտեգրումը փախստականների ամբողջական և կենսակայուն ինտեգրման կարևոր մաս է կազմում: Շուրջ 5 տարի է, ինչ հիմնադրամը ՄԱԿ-ի Փախստականների հարցերով գերագույն հանձնակատարի գրասենյակի (ՄԱԿ ՓԳՀ) հետ համատեղ արձագանքում է Հայաստանում փախստականների սոցիալ-տնտեսական ինտեգրման կարիքներին՝ աջակցելով նրանց սկսելու կամ վերսկսելու իրենց մասնագիտական ուղին: Որպես տնտեսական ինտեգրման հիմնական գործիք ընտրվել է կրթությունը:
    Կարդալ ավելին

  • Եվրոպական Համերաշխության Կորպուսը՝ կյանք փոխող փորձառություն

    «Եվրոպական hամերաշխության կորպուսը» (նախկին «Եվրոպական կամավորական ծառայությունը») Եվրոպական միության կողմից իրականացվող ծրագիր է, որի շրջանակում արդեն ավելի քան 10 տարի է, ինչ «ԿԱԶԱ» հիմնադրամը հյուրընկալում, ինչպես նաև ուղարկում է կամավորներ տարբեր եվրոպական երկրներ: Սա պարզապես կամավորական աշխատանք չէ․ այն բացառիկ փորձառության հնարավորություն է, որը փոխում է կյանքեր:

    Ծրագրի նպատակը համերաշխության տարածումն է որպես արժեք՝ հիմնականում կամավորության միջոցով, որն էլ իր հերթին խթանում է երիտասարդների և կազմակերպությունների ներգրավվածությունը մարդասիրական ծրագրերում՝ նպատակ ունենալով ամրապնդել համախմբվածությունը, ժողովրդավարությունը և եվրոպական քաղաքացիությունը: Այն նպաստում է նաև եվրոպական համագործակցությանը երիտասարդության ոլորտում։
    Կարդալ ավելին

  • Ֆրանկոֆոնիայի հագեցած եվ «կանաչ» երկամսյակ «ԿԱԶԱ» հիմնադրամում

    Ֆրանկոֆոնիայի երկամսյակը հարուստ ու հագեցած էր «ԿԱԶԱ» հիմնադրամի ինչպես Երևանի, այնպես էլ Գյումրու կենտրոններում։

    Նախ Երևանի «Էսպաս» կրթամշակութային կենտրոնը հյուրընկալեց այն դպրոցների ֆրանսերենի ուսուցիչներին, որոնց հետ «ԿԱԶԱ»-ն համագործակցել է ողջ տարվա ընթացքում։ Վերջիններս ծանոթացան միմյանց հետ, համտեսեցին Ֆրանկոֆոնիայի ծրագրի կամավորների պատրաստած նրբաբլիթները, քննարկեցին Հայաստանում կրթական ոլորտի խնդիրները՝ մասնավորապես այնպիսիք, որոնց բախվել են ֆրանսերենի դասավանդման ընթացքում, կիսվեցին ֆրանսերենի ուսուցման մասին իրենց պատմություններով և լեզուն սովորեցնելու իրենց դրդապատճառներով։
    Կարդալ ավելին

  • «Երկուսով աշխատանքի համար»․ ինչու, ովքեր եվ ինչպես

    Երիտասարդների զբաղվածությանն ու աշխատանքային հմտությունների զարգացմանն ուղղված ծրագրերը եղել և մնում են «ԿԱԶԱ» հիմնադրամի օրակարգում։ 2016թ.-ից ի վեր հիմնադրամն իրականացնում է «Երկուսով աշխատանքի համար» ծրագիրը, որը միավորում է աշխատանք փնտրող երիտասարդներին ու այդ հարցում նրանց աջակցող կամավոր-մենթորներին:

    Ինչու

    Համաձայն 2018թ-ին արված հետազոտության՝ Հայատանում գործազուրկ երիտասարդները կազմում են ամբողջ երիտասարդության 16%-ը: Ընդ որում՝ գործազրկության ամենաբարձր ցուցանիշը 20-24 տարեկան երիտասարդների շրջանում է: Տնտեսապես ոչ ակտիվ աշխատուժի 53.8%-ը բարձրագույն կրթությամբ երիտասարդներ են:
    Կարդալ ավելին

  • «ReImagining Recognition»՝ արժևորելու համար երիտասարդական աշխատանքը արժևորման

    Երիտասարդական աշխատանքը մշտապես «ԿԱԶԱ» հիմնադրամի առաջնահերթություններից է եղել։ Դրա վառ ապացույցներից մեկն էլ 2018թ.-ի դեկտեմբերի 14-ին մեկնարկած «ReImagining Recognition» ծրագիրն է։ Այն նպատակ ունի բացահայտել, թե ինչպիսին է երիտասարդական աշխատանքը, դրա քաղաքականությունը տեղական մակարդակում, և թե ինչպիսի գործիքակազմի կարիք կա երիտասարդական աշխատանքը արժևորելու ու պետական մակարդակով ճանաչելի դարձնելու համար:

    «ReImagining Recognition» ծրագիրը մշակվել է՝ ելնելով համագործակից երկրների (Հայաստան, Վրաստան, Մոլդովա, Ուկրաինա, Ֆինլանդիա, Իռլանդիա, Լիտվա) կազմակերպությունների երիտասարդական աշխատանքում ունեցած փորձից:
    Կարդալ ավելին

  • Զբոսավարների պատրաստման դասընթաց

    Արագ զարգացող զբոսաշրջությանը զուգընթաց՝ Հայաստանում աճում է հմուտ զբոսավարների պահանջարկը: 2005թ.-ից ի վեր «ԿԱԶԱ» հիմնադրամն իրականացնում է զբոսավարների պատրաստման (լսարանային և առցանց դասերի համադրությամբ) դասընթաց:

    Դասընթացի նպատակը

    2005 թվականից ի վեր՝ հաշվի առնելով զբոսաշրջության ոլորտում գրանցված տարեկան 10-15% աճը՝ «ԿԱԶԱ» հիմնադրամը նախաձեռնում է զբոսավարների պատրաստման դասընթաց։ Այն հավատարիմ է հիմնադրամի կողմից որդեգրած՝ սոցիալապես պատասխանատու զբոսաշրջության սկզբունքներին, որը նպաստում է ապրուստի միջոցների ստեղծմանը, աջակցությանը տեղական համայնքներին, ինչպես նաև՝ Հայաստանի մշակութային և բնական ժառանգության պահպանմանը։ Դասընթացը համապատասխանեցված է զբոսաշրջության ոլորտի մասնագիտական կարիքներին և տեղի աշխատաշուկայի պահանջներին։
    Կարդալ ավելին

  • «Զարգացման ծրագիր երեխաների և դեռահասների համար»

    Հաշվի առնելով այն փաստը, որ երիտասարդների սպասումները և կարիքները տարեցտարի փոխվում են՝ պայմանավորված տարբեր մարտահրավերներով (քաղաքական, սոցիալ-տնտեսական, մշակութային, ընտանեկան և այլն), «ԿԱԶԱ» հիմնադրամը 2006 թվականից ի վեր առաջարկում է ծրագիր, որը հնարավորություն է տալիս երեխաներին և դեռահասներին բարձրաձայնել իրենց խնդիրները, ազատ արտահայտվել, զրուցել իրենց հետաքրքրող թեմաներից, ինչպես նաև զարգացնել այնպիսի արժեքներ, ինչպիսիք են համերաշխությունը, հանդուրժողականությունը և հարգանքը. մեկ բառով՝ անձի ինքնաճանչում:

    Հանդիպումները իրականացվում են համապատասխան խմբակների միջոցով. զարգացման խմբակ, որտեղ ոչ ֆորմալ մեթոդներով կազմակերպվում են թեմատիկ հանդիպումներ` ուղղված անձի ինքնաճանաչմանը և սոցիալիզացիային, ստեղծագործական խմբակ, թատերական խմբակ, նախաձեռնությունների խմբակ, ֆոլկլոր երաժշտության խմբակ, ֆրանսերեն և անգլերեն լեզուների ուսուցման խմբակներ: 2006 թվականից մինչ օրս ծրագիրը պարբերաբար թարմացվում է` համապատասխանեցնելով ժամանակի պահանջներին և կարիքներին: Տարիների աշխատանքի արդյունքը որակական և քանակական զարգացումն է: Եթե 2006 թվականին ծրագրի մասնակիցների քանակը 15 էր, ապա այսօր ամեն շաբաթ հիմնադրամը աշխատում է 200-250 երեխայի և պատանու, ինչպես նաև` վերջիններիս ընտանիքների հետ:
    Կարդալ ավելին

  • Ալեն Նավարա-Նավասարդյանի դասախոսությունները Հայաստանում

    «ԿԱԶԱ» հիմնադրամի «Զբոսավարների պատրաստման» ծրագրի շնորհիվ տարիներ շարունակ ֆրանկոֆոն զբոսավարները պարբերաբար մասնակցում են միջազգային փորձագետների դասախոսություններին։ Ծրագրի շրջանակում սույն թվականի փետրվարի 26-ից մարտի 6-ը «ԿԱԶԱ»-ն հյուրընկալեց արվեստի պատմության և արվեստի սոցիոլոգիայի դոկտոր, Բոլոնիայի համալսարանի դասախոս, «Invitation au Savoir» ասոցիացիայի փոխտնօրեն Ալեն Նավարային:

    Ամեն տարի՝ փետրվար կամ մարտ ամսին, «ԿԱԶԱ» հիմնադրամի նախաձեռնությամբ արվեստի պատմության և արվեստի սոցիոլոգիայի դոկտոր Ալեն Նավարա-Նավասարդյանը ժամանում է Հայաստան, որպեսզի օգնի զբոսավարներին բացահայտել ու ուսումնասիրել այնսպիսի թեմաներ, ինչպիաիք են՝ ռոմանական ճարտարապետություն, հայկական և բյուզանդական ճարտարապետությունների միջև եղած ընդհանրություններ, պատկերագրություն, սիմվոլիզմ և այլն։
    Կարդալ ավելին

  • Le Courrier d’Erevan և «ԿԱԶԱ»

    Ահա՛ և մարտը վրա հասավ։ Հայաստանը՝ գագաթնաժողովը հյուրընկալած երկիրն, անհամբերությամբ էր սպասում տարվա այս նշանակալի ամսվան, որ նվիրված է Ֆրանկոֆոնիային։ Շատ շուտով ողջ երկիրը կվերադառնա Ֆրանկոֆոն ռիթմին՝ ներկայացնելով հարուստ ու դինամիկ ծրագիր ինչպես Երևանում, այնպես էլ՝ մարզերում։
    Կարդալ ավելին

  • Զբոսավարների շարունակական վերապատրաստում

    2014 թվականից ի վեր «ԿԱԶԱ» հիմնադրամը կազմակերպում է զբոսավարների շարունակական վերապատրաստման դասընթաց՝ նպաստելով ոլորտում առաջարկվող ծառայությունների որակի բարելավմանը։ Դասընթացի շրջանակում կազմակերպվում են հանդիպումներ տարբեր թեմաներով՝ արվեստի պատմություն, ճարտարապետություն, երկրաբանություն, տնտեսագիտություն, ազգագրություն և այլն։ Բանախոսները հիմնականում գիտնականներ են, պրոֆեսորներ, փորձագետներ, ովքեր Հայաստան են հրավիրվում հատուկ զբոսավարների շարունակական վերապատրաստման դասընթացին մասնակցելու համար։
    Կարդալ ավելին

  • ՀԱՅՏԱՐԱՐՈՒԹՅՈՒՆՆԵՐ