ՆՈՐՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ
ՆՈՐՈՒԹՅՈՒՆՆԵՐ
  • ՀՀ-ում ոչ ֆորմալ կրթության արդյունքները դեռ ճանաչելի չեն. ReImagining Recognition-ի հետազոտությունը պարզել է

    Հայաստանում կա՞, արդյոք, ոչ ֆորմալ և ինֆորմալ ուսուցման արդյունքների գնահատման ու ճանաչման համակարգերի գործարկումը համակարգող կազմակերպության անհրաժեշտություն, ոչ ֆորմալ և ինֆորմալ կրթության շրջանակներում տրամադրվող և ձեռքբերվող գիտելիքի ու հմտությունների որակի ստուգումը գնահատող ի՞նչ մեթոդներ, փաստաթղթավորման ի՞նչ ձևեր են հայտնի, գործատուների կողմից արժևորվա՞ծ են, արդյոք, ոչ ֆորմալ կրթության արդյունքները. այս հարցերի պատասխանները ստանալու նպատակով «ԿԱԶԱ» հիմնադրամը, Եվրամիության «Էրազմուս+» ծրագրի ֆինանսավորմամբ իրականացվող «Վերանայելով ճանաչումը» (անգլ.՝ ReImagining Recognition) ծրագրի շրջանակում, հետազոտություն է անցկացրել։
    Կարդալ ավելին

  • «Մարդիկ չեն գիտակցում, թե աղբի «արտադրությունն» ինչ հետևանքներ կարող է ունենալ». Երիտասարդական կոալիցիայի անդամները կիրազեկեն

    Փախստական երիտասարդներին ինտեգրելու, նրանց ներուժը համախմբելու և համայնքներում մարտահրավերների հաղթահարմանը նրանց մասնակից դարձնելու նպատակով «ԿԱԶԱ» հիմնադրամի և Միավորված ազգերի կազմակերպության Փախստականների հարցերով գերագույն հանձնակատարի գրասենյակի (ՄԱԿ ՓԳՀ) համատեղ՝ «Միասնություն բազմազանության մեջ» ծրագրի շրջանակում Երիտասարդական կոալիցիա է ստեղծվել։

    Կոալիցիայի անդամներն են Իրանից, Իրաքից, Սիրիայից, Եմենից և Լիբանանից տեղահանված և Հայաստանում ապաստան գտած, ինչպես նաև տեղացի 18-28 տարեկան երիտասարդները` թվով 20-ը։

    2019-ի հունիսից գործունեությունը սկսած Երիտասարդական կոալիցիայի անդամները մինչև տարեվերջ ոչ միայն առաջնորդության հմտությունների, անձնական ունակությունների բացահայտման և միջմշակութային հաղորդակցության բարելավմանն ուղղված դասընթացներ կանցնեն, այլև՝ համայնքային կարիքներից բխող ծրագրեր կիրականացնեն։ Երիտասարդներն այս ընթացքում շրջել են իրենց ընտրած համայնքներում, վեր են հանել խնդիրները, որոնց նաև լուծումներ են տալու։
    Կարդալ ավելին

  • «Իրավունքի իրացումը միայն հանրահավաքի մասնակցելը չէ». «ԿԱԶԱ»-ի նոր ծրագրով երիտասարդները քաղաքացիական կրթության դասընթացներ կանցնեն

    Հայաստանում տեղի ունեցած «Թավշյա հեղափոխությունից» հետո երիտասարդների շրջանում թեև ակտիվության առումով բավականին փոփոխություններ են տեղի ունեցել, այդուհանդերձ, դեռ չկա այն իրավագիտակցությունը, որ իրենք և՛ իրավունք, և՛ պատասխանատվություն ունեն մասնակցություն ունենալ իրենց համայնքներում որոշումների կայացմանը։

    «Երիտասարդներն իրավունքը դիտարկում են միայն հանրահավաքի կամ ընտրության գնալու տիրույթում, խոսում են իրավունքների, փողոց փակելու, պիկետների մասին, սակայն քաղաքացիական պատասխանատվության գիտակցության ընկալումը թերի է»,-փաստում է Մարիամ Ալեքսանյանը, ով «ԿԱԶԱ» հիմնադրամի իր գործընկերների հետ, թիկունքում ունենալով Հիմնադրամի տարիների փորձը, ազդարարում է նոր՝ «Հայաստանի երիտասարդ քաղաքացիներ. քաղաքացիական կրթության խթանում սոցիալական նորարարության միջոցով» եռամյա ծրագրի մեկնարկի մասին, որի նպատակն է նպաստել համայնքային կյանքին հայ երիտասարդների ակտիվ ներգրավվածությանը՝ զարգացնելով լուծումներ առաջարկող քաղաքացու ինքնությունը։
    Կարդալ ավելին

  • «ԿԱԶԱ»-ն՝ ի նպաստ «ոչ ֆորմալ ֆրանկոֆոնիայի» Հայաստանում

    Հայաստանում ֆրանկոֆոնիայի հիմնական դերակատարներից մեկը «ԿԱԶԱ» հիմնադրամն է։ Այդ մասին են վկայում այն բազմաթիվ ոչ ֆորմալ աշխատարանները, որոնք ողջ տարվա ընթացքում կազմակերպվել են Երևանում, Գյումրիում, Թալինում ու Էջմիածնում։

    «ԿԱԶԱ» հիմնադրամը մշտապես նպաստում է Հայաստանում ֆրանսերենի և ֆրանկոֆոն մշակույթների տարածմանը։ Իր գործունեությամբ «ԿԱԶԱ»-ն հավատարիմ է նաև Ֆրանկոֆոնիայի միջազգային կազմակերպության որդեգրած արժեքներին ու սկզբունքներին՝ ազատությանը, համերաշխությանը, բազմազանությանն ու «Ապրել միասին» գաղափարին։ Դրա վառ ապացույցն են այն աշխատարանները, որոնք հիմնադրամը նախաձեռնում է Հայաստանի տարբեր քաղաքներում։ Այս առումով տարին բավականին հագեցած էր։
    Կարդալ ավելին

  • Իսկական տոն Դալարիկ գյուղում

    2016թ.-ից ի վեր «ԿԱԶԱ» հիմնադրամն առանձնահատուկ ուշադրություն է դարձնում երիտասարդ փախստականների ինտեգրմանը։ Այդ համատեքստում հիմնադրամը ստեղծել է «Երևան-Հալէպ տրանզիտ» ակումբը. կամուրջ, որ միավորում է սիրիահայ և տեղացի 18-35 տարեկան երիտասարդներին, հարթակ, որ օգնում է բացահայտել, սովորել, ընկերանալ։ Ծրագիրն իրականացվում է Ժնևի հայկական համայնքի և ՄԱԿ-ի Փախստականների հարցերով գերագույն հանձնակատարի գրասենյակի (ՄՍԿ ՓԳՀ) աջակցությամբ։
    Կարդալ ավելին

  • «Միացի՛ր համայնքին» ծրագիրը՝ նոր մատուցմամբ

    «ԿԱԶԱ» հիմնադրամի «Միացիր համայնքին» ծրագիրը՝ ՄԱԿ-ի Փախստականների հարցերով գերագույն հանձնակատարի գրասենյակի (ՄԱԿ ՓԳՀ) աջակցությամբ, Հայաստանում տեղահանված անձանց ինտեգրումը կազմակերպելու նպատակով ստեղծել է մի յուրօրինակ հարթակ, որն ապահովում է նրանց միջմշակութային շփումը, տեղական լեզվի ու մշակույթի ուսուցումը, Հայաստանում ինտեգրվելու բազմազան հնարավորությունների բացահայտումը: 
    Կարդալ ավելին

  • Գյումրու Հաղթանակի զբոսայգու վերածնունդը՝ «ԿԱԶԱ»-ական երիտասարդների ձեռքերով

    Դեկտեմբեր ամսին «ԿԱԶԱ» հիմնադրամի «Երեխաների և դեռահասների զարգացման ծրագրի» նախաձեռնությունների խմբակի մասնակից դեռահասներն իրենց նախագիծը ներկայացրին Գյումրու քաղաքապետարանին: Նրանց նպատակն էր՝ բարեկարգել և «կենդանացնել» Հաղթանակի զբոսայգու տարածքը, որն, ըստ կատարած հարցումների, անտեսված և անցանկալի ժամանցի վայր էր քաղաքացիների շրջանում: Պատճառները բազմաթիվ էին՝ աղտոտվածությունը, անբարեկարգ վիճակը, լուսավորության պակասը, անհետաքրքրությունը և այլն։ Մինչդեռ դեռահասների համոզմամբ՝ այգին ուներ բոլոր նախադրյալները` բնակիչների սիրելի վայրը դառնալու։
    Կարդալ ավելին

  • Համառոտ՝ հիմնադրամի առցանց ուսուցման հարթակի մասին

    «ԿԱԶԱ» հիմնադրամի առցանց ուսուցման հարթակը գործում է 2011թ.-ից: Այս տարիների ընթացքում հարթակում ուսանել է ավելի քան 1500 հոգի: Առցանց հարթակի դասընթացների թեմաները բազմազան են՝ ակտիվ քաղաքացիութուն, զբաղվածություն, ուսուցանում ուսուցանողների համար, սոցիալական ձեռնարկատիրություն, զբոսավարություն և այլն: 

    Վերջին տարիներին, ընդհանուր առմամբ, առցանց ուսումնառության հանդեպ հետաքրքրությունը մեծացել է։ Ինքնուրույն սովորելու միտումները հստակ են, ուստի և Հայաստանում շատերի համար առցանց դասընթացները ևս դառնում են ակտուալ։
    Կարդալ ավելին

  • Քաղաքացու օրն ու «ԿԱԶԱ»-ն

    Այս տարի՝ ապրիլի 27-ին, Հայաստանի բոլոր մարզերում իսկական տոնախմբություն էր: Առիթը Քաղաքացու օրն էր՝ ի պատիվ համաժողովրդական միասնականության, որը հանգեցրեց 2018թ.-ի ապրիլի ոչ բռնի, թավշյա հեղափոխությանը։ «ԿԱԶԱ» հիմնադրամը ևս միացավ մեծ տոնին՝ հատկապես Գյումրիում։

    Ապրիլի 27-ին Գյումրիում տոնական տրամադրության պակաս չկար։ Միջոցառումների մի մասն իրականացվում էր Ռուսթավելի փողոցում տեղակայված տաղավարներում։ Այստեղ էր հավաքվել արվեստաշատ ու արհեստաշատ քաղաքի հասարակությունը։
    Կարդալ ավելին

  • Հիմնադրամի ուսանողների հետազոտությունները՝ Ժնեվի գրքի ցուցահանդեսում

    Մայիսի 4-ին Ժնևի գրքի միջազգային ցուցահանդեսի շրջանակներում արվեստի պատմության և սոցիոլոգիայի դոկտոր Ալեն Նավարա-Նավասարդյանը ներկայացրեց խորհրդային ժառանգության վերաբերյալ կատարված ուսումնասիրություններ։ Դրանց հեղինակները «ԿԱԶԱ» հիմնադրամի կողմից 2006թ․ ի վեր ամեն տարի իրականացվող զբոսավարների պատրաստման դասընթացի մասնակիցներն էին։

    Գաղտնիք չէ, որ խորհրդային շրջանն այժմ մեծ հետաքրքրություն է ներկայացնում զբոսաշրջիկների շրջանում։ Ուստի «ԿԱԶԱ» հիմնադրամի կողմից իրականացվող զբոսավարների պատրաստման դասընթացը չէր կարող չանդրադառնալ դրան։

    Կարդալ ավելին

  • ՀԱՅՏԱՐԱՐՈՒԹՅՈՒՆՆԵՐ
  • Գնային առաջարկ. պրոյեկտորի գնում

    «ԿԱԶԱ» շվեյցարական մարդասիրական հիմնադրամը Canon-lv-wx300 պրոյեկտոր ձեռք բերելու նպատակով կազմակերպում է մրցույթ։ Կից ներկայացված է հրավերը. հետաքրքրված լինելու դեպքում ներկայացրեք գնային առաջարկ:
    Կարդալ ավելին

  • Գնային առաջարկ. հրուշակագործության մասնագիտական դասընթացի կազմակերպում

    ԿԱԶԱ» շվեյցարական մարդասիրական հիմնադրամը հրուշակագործության մասնագիտական դասընթաց և գործնական աշխատանք կազմակերպելու նպատակով հրավիրում է ձեզ ծանոթանալ կից ներկայացված հրավերին և հետաքրքրված լինելու դեպքում ներկայացնել գնային առաջարկ:
    Կարդալ ավելին

  • Բաց մրցույթի մասնակցության հրավեր

    «ԿԱԶԱ» շվեյցարական մարդասիրական հիմնադրամը, որը գտնվում է ք. Երևան, Թումանյան 24, բն. 5 հասցեում, «Մասնագիտական դասընթացներ և գործնական աշխատանք (պրակտիկա)» իրականացնելու նպատակով կազմակերպում է բաց մրցույթ:

    Ծառայությունների գնումը ֆինանսավորվելու է «ԿԱԶԱ» շվեյցարական մարդասիրական հիմնադրամին  ՄԱԿ ՓԳՀ-ից դրամաշնորհի ձևով հատկացված միջոցների հաշվին։
    Կարդալ ավելին