Արցախահայերի ինտեգրումը առաջնահերթ է նոր կյանք սկսելու համար
Արցախից բռնի տեղահանված և Արարատ մարզի Այգեզարդ գյուղում վերաբնակեցված ընտանիքների երեխաները համայնքի իրենց հասակակիցների հետ «Մայրության և գեղեցկության» միամսյակին նվիրված տոնական ծրագիր էին պատրաստել։ Մայրությանը նվիրված երգերով, պարով ու ասմունքով երեխաները դրական հույզեր ու ոգևորություն փոխանցեցին ներկաներին։
Կարդալ ավելին
Մեր եվրոպացի կամավորները
Մարտեն Բուասելը և Հիշամ Զորին Եվրոպական համերաշխության կորպուսի (ԵՀԿ, անգլ․ European Solidarity Corps) ֆրանսիացի կամավորներ են, ովքեր 2023 թ.-ի մարտից ի վեր իրենց առաքելությունն են իրականցնում Հայաստանում։ Նրանք առավելապես ներգրավված են «ԿԱԶԱ» շվեյցարական մարդասիրական հիմնադրամի ծրագրերում, ինչպես նաև հանդիսանում են Հայ կամավորների միության կամավոր։
ՄԱՐՏԵՆ ԲՈՒԱՍԵԼ
«Բարև ձեզ, Ես Մարտենն եմ: Եկել եմ Ֆրանսիայից, ավելի ճիշտ՝ Բրետանից՝ Ֆրանսիայի ամենաարևմտյան մասից (նման է Իռլանդիային, բայց՝ ավելի արևոտ): Ի՞նչ կարող եմ պատմել իմ մասին: Դե, նախ և առաջ, ես սովորություն ունեմ տարված լինել ամենատարբեր բաներով, ինչպես երեխան մի շաբաթ տարվում է դինոզավրերով, իսկ հաջորդ շաբաթ՝ մեքենաներով: Դե ես նույնն եմ… միայն թե չափահաս եմ (պաշտոնապես ամեն դեպքում): Իմ մասին զվարճալի փաստն այն է, որ ես պատահականորեն տարվում եմ տարբեր թեմաներով: Օրինակ՝ համալսարանում ես նախ բույսերի ֆոտոսինթեզ էի ուսումնասիրում, այնուհետև անցա անգլախոս երկրների պատմությանը, իսկ հետո տարվեցի տեխնիկական թարգմանությամբ: Սովորելու շատ բան կա, և ես պարզապես չեմ կարող կենտրոնանալ մի բանի վրա: Նույնը վերաբերում է իմ հոբբիներին։ Սիրում եմ լուսանկարել, դաշնամուր նվագել, տարբեր լեզուներ սովորել, հեծանիվ քշել, ճաշ պատրաստել, կարդալ, հեռուստատեսային շոուներ դիտել… Չափից շատ անելու բան և ընդամենը մեկ կյանք: Այս հետաքրքրասիրությունը խթանել է անընդհատ նոր և տարբեր բան փնտրելու իմ ցանկությունը, ինչը ստիպեց ինձ աշխատել տարբեր երկրներում և ոլորտներում: Այսպիսով, երբ ես պատահաբար ծանոթացա «ԿԱԶԱ»-ի կամավորական ծրագրին, երկար չվարանեցի դիմելուց առաջ, քանի որ կազմակերպության առաքելությունն ու արժեքները համընկնում էին իմ արժեքների հետ։ Բացի այդ, Հայաստանը բացահայտելու շատ մեծ ցանկություն ունեի: Մի երկիր, որի մասին այդքան քիչ բան գիտեի: Ես չէի կարող բաց թողնել այս հնարավորությունը: Եվ ահա վերջապես կամավոր եմ «ԿԱԶԱ»-ի գրասենյակում, գեղեցիկ Երևանում: Այստեղ իմ հիմնական պարտականություններն են դասընթացների, հանդիպումների և այլ միջոցառումների ժամանակ լուսանկարելն ու դրանք խմբագրելը, հոդվածներ գրելը, ֆրանսերենի դասավանդումը, ինչպես նաև անհրաժեշտության դեպքում որոշ թարգմանություններ կատարելը: Ես սիրում եմ առաջադրանքների այս բազմազանությունը, աշխատել ինչպես լուսանկարչության, այնպես էլ լեզուների հետ: Ես իսկապես վայելում եմ այստեղ անցկացրած ժամանակը: Հանդիպել եմ զարմանալի մարդկանց ինչպես Հայաստանից, այնպես էլ արտերկրից, ճաշակել եմ տարբեր ուտեստներ և սկսել եմ սովորել հայերեն: Արդեն երեք ամիս է անցել, և ես անհամբեր եմ՝ տեսնելու, թե է՛լ ինչ է ինձ առաջարկելու Հայաստանը»:
ՀԻՇԱՄ ԶՈՐԻ
«Հիշամ՝ ծագումով Նիսից, Հայաստան եմ ժամանել երկու ամիս առաջ։ Ֆրանսիայում զբաղվել եմ մշակութային միջոցառումների կազմակերպմամբ (հիմնականում երաժշտական և աուդիովիզուալ) և մինչ օրս աշխատում եմ որպես գեղարվեստական ղեկավար արհեստական ինտելեկտի մի ընկերությունում։ Հայաստան գալու իմ ընտրությունը երկու պատճառ ունի. ուզում էի բացահայտել այս հազարամյա երկիրը, որտեղ կրոնը, գինին, տաճարներն ու ավանդույթները գոյակցում են պատմական դինամիկայի մեջ: Բայց ես նաև ուզում էի սովորել մի երկրից, որն, իմ ընկալմամբ կախարդանքով լի է։ Իմ հիմնական գործառույթը «ԿԱԶԱ»-ում կապված է հաղորդակցության հետ: Ես փնտրում էի, թե որ ոլորտուոմ կարող եմ առավել օգտակար լինել և հասկացա, որ պետք է զբաղվեմ «ԿԱԶԱ»-ի սոցիալական ցանցերի համար բովանդակության ստեղծմամբ։ «ԿԱԶԱ»-ն անում է շատ խորը ու հստակ աշխատանք, այստեղ ամեն ինչ անհավանական է, բայց նաև ցավալի է, որ իր որակյալ աշխատանքն ամեն օր անհետանում է հաղորդակցության բացակայության պատճառով: Ահա թե ինչու ես կենտրոնանում եմ այս խնդրի վրա: Իմ տպավորությունները Հայաստանից բազմաթիվ են։ Հայաստանը մի երկիր է, որտեղ շատ տարբերություններ կան՝ կախված նրանից, թե որտեղ ես գտնվում։ Բայց միշտ կա այն զգացողությունը, որ այս հողը յուրահատուկ բան ունի։ Բնությունն օժտված է մի աներևակայելի ուժով, և հայերը փայփայում են այն: Ես գնահատում եմ այս կապը բնության հետ, որն այնքան ինքնաբուխ է թվում: Ժամանակիս մեծ մասն անցկացնում եմ գրասենյակում կամ գյուղերում, երբ ուղեկցում եմ գործընկերներիս մարզային այցերի ժամանակ։ Եվ պետք է ասեմ, որ «ԿԱԶԱ»-ի թիմը բաղկացած է հիանալի մարդկանցից, որոնցից ես ամեն օր սովորում եմ ոչ միայն պրոֆեսիոնալ մակարդակում, այլ առաջին հերթին մարդկային մակարդակում։ Որովհետև իմ կամավորությունը «ԿԱԶԱ»-ում նախևառաջ մարդկային փորձ է, որտեղ ես սովորում եմ նույնքան իմ մասին, որքան՝ ուրիշների և ես հավատում եմ, որ այս կրթական գործընթացը շարունակական է»:
«Խաղը գործողության մեջ»
Հեղինակ՝ «ԿԱԶԱ»-ի կամավոր Ժոսլեն Լըղուայե
Սովորելու մեթոդները բազմաթիվ են, սակայն դրանցից լավագույնը և արդյունավետը խաղերն են, որովհետև ապահովում են երեխաների էմոցիոնալ, ճանաչողական, սոցիալական և ինտելեկտուալ, ասել է թե՝ բազմակողմանի զարգացումը։ Ոչ ֆորմալ կրթությունը երեխաներին դարձնում է ավելի մոտիվացված և ինքնավստահ, ավելի համարձակ, ինչի արդյունքում էլ երեխաները ուսուցանվող նյութը ավելի լավ են մտապահում։ Սակայն ամեն ինչ այդքան հեշտ չէ, որպեսզի ուսուցման պրոցեսը հետաքրքիր ու արդյունավետ լինի, առաջարկվող խաղերը պետք է լավ մշակված լինեն։
Հենց այս առիթով էլ ծնվեց «Խաղը գործողության մեջ» ծրագիրը՝ մշակված Լեհաստանի «Fundacja Inkubator Innowacji» կազմակերպության և «ԿԱԶԱ» շվեյցարական մարդասիրական հիմնադրամի կողմից՝ Էրազմուս + ծրագրի շրջանակում։ Վրաստանից, Մոլդովայից, Ուկրաինայից, Բելառուսից, Լեհաստանից, Էստոնիայից, Լիտվայից, Լատվիայից, Ֆրանսիայից, Պորտուգալիայից երիտասարդական աշխատողներ և ուսուցանողներ հայտ էին լրացրել, որպեսզի մասնակցեն 7 օր տևողությամբ այս ծրագրին։
Կարդալ ավելին
Ed&Tech համաժողով․ տեխնոլոգիական պատասխաններ կրթական հիմնախնդիրներին
Հուլիսի 17-ին «CoWo»-ում իշխում էր «տեխնոկրթական» տրամադրություն․ երևանյան այս քովորքինգ տարածքը հյուրընկալում էր «ԿԱԶԱ» շվեյցարական մարդասիրական հիմնադրամի և «Տուտոր պլատֆորմ» կրթական-տեխնոլոգիական հարթակի նախաձեռնած «Ed&Tech. կրթահարցեր և տեխնոպատասխաններ» համաժողովը։ Վերջինս մեկտեղել էր Հայաստանի կրթական և տեխնոլոգիական համայնքների ավելի քան 80 (նախատեսված 50-ի փոխարեն) մասնագետների, այդ թվում՝ դասավանդողներ, կրթության փորձագետներ, տեխնոլոգիաների ոլորտի, կրթական հաստատությունների ու պետական կառույցների ներկայացուցիչներ։
Համաժողովի նպատակն էր կրթական և տեխնոլոգիական համայնքներին հրավիրել երկխոսության կրթության ոլորտում առկա հիմնախնդիրների, դրանց լուծմանն ուղղված արդեն կիրառվող կամ կիրառելի արդի տեխնոլոգիական լուծումների շուրջ՝ միաժամանակ հնարավորություն տալով բացահայտել նոր գործընկերներ և հիմք դնել նոր սիներգիաների։
Կարդալ ավելին
«Կայուն զարգացման ուսուցում» ծրագրի փակում
Մարտի 5-ին Վանաձորի Հ․ Թումանյանի անվան թիվ 3 հիմնական դպրոցում կայացավ «Կայուն զարգացման ուսուցում» ծրագրի փակման միջոցառումը:
«ԿԱԶԱ» շվեյցարական մարդասիրական հիմնադրամը, կարևորելով կրթության առանցքային դերը կայուն զարգացման գործում, վերոնշյալ ծրագրի շրջանակներում իրականացրել է Լոռու մարզի Վանաձոր և Ալավերդի համայնքների 36 ուսուցիչների վերապատրաստում, որի նպատակը վերջիններիս թեմային առնչվող անհրաժեշտ մասնագիտական և մեթոդական գիտելիքներով զինելն էր։ Այս ուսումնական նախագիծն ավելի վաղ Ֆրանսիայի Հայաստան հիմնադրամի կողմից անցկացված «Արևային Լոռի» ծրագրի եզրափակիչ փուլն էր։
Կարդալ ավելին
Տիկին Սիրվարդ Փերսըն-Գազանճեան
Մեծ վշտով տեղեկացնում ենք, որ նոյեմբերի 10-ին Շվեյցարիայում կյանքից հեռացել է տիկին Սիրվարդ Փերսըն-Գազանճեանը։
Եթովպահայ Սիրվարդն ուսում էր ստացել Երևանի կոնսերվատորիայում և ժամանակին Տիգրան Հեքեքյանի հետ մասնակից դարձել «Հայաստանի փոքրիկ երգիչներ»-ի ստեղծմանը։
Այնուհետև նա հաստատվել էր Շվեյցարիայում, որտեղ հանդես էր եկել որպես երգեցողության դասախոս և երգահան։
Կարդալ ավելին
«ԿԱԶԱ»-ն՝ կյանքի համար պայքարի հորձանուտում
2020թ․ սեպտեմբերի 27-ի առավոտյան հայ ժողովուրդն արթնացավ Ադրբեջանի՝ Արցախի (Լեռնային Ղարաբաղ) վրա հարձակվելու գույժով։ 21–րդ դարի այս ամենաթեժ և արյունալի պատերազմներից մեկի 44 օրերի ընթացքում ողջ հայության մոբիլիզացիան աննախադեպ էր թե՛ Հայաստանում, թե՛ սփյուռքում՝ աջակցելու համար մի կողմից հայ ժողովրդի՝ սեփական հողի վրա գոյության իրավունքը պաշտպանող զինվորին և Արցախում մնացած քաղաքացիական բնակչությանը, մյուս կողմից՝ պատերազմական գոտուց տարերայնորեն Հայաստան ժամանած կանանց, մանուկներին ու ծերերին։
Ստեղծված լինելով 23 տարի առաջ որպես նախևառաջ հումանիտար կառույց՝ «ԿԱԶԱ» հիմնադրամը ոլորտում իր հարուստ և արդյունավետ փորձի շնորհիվ կարողացավ արագ վերաուղղորդել իր գործունեությունը՝ արձանագրված նոր կարիքներին համապատասխան։
Կարդալ ավելին
Հայերենի դասընթացներ փախստական անձանց համար
«ԿԱԶԱ» հիմնադրամի առաքելության կարևորագույն ուղղություններն են սոցիալ-տնտեսական, մշակութային և իհարկե կրթական ոլորտները։ Հիմնադրամի ուշադրության կենտրոնում են ինչպես դժվարին իրավիճակներում հայտնված խոցելի տեղաբնակներն, այնպես էլ մեր երկրում ապաստանած օտարերկրյա քաղաքացիները։ Տարիներ շարունակ սիրով ու մեծ հետևողականությամբ իրականցված բազմաթիվ ծրագրերը դրա վառ ապացույցն են։
ՄԱԿ-ի Փախստականների հարցերով գերագույն հանձնակատարի գրասենյակի (ՄԱԿ ՓԳՀ) ֆինանսավորմամբ «ԿԱԶԱ» շվեյցարական մարդասիրական հիմնադրամն այս տարվա օգոստոսից կրկին մեկնարկել է հայոց լեզվի դասընթացները։ Դասընթացի շահառուները տեղահանված, ՀՀ-ում ապաստան ստացած ու փախստական ճանաչված ոչ հայազգի անձինք են։ Նախաձեռնությունը միավորում է կրթական ու մարդասիրական բաղադրիչները և նպատակ ունի հայոց լեզվի ուսուցման միջոցով նպաստել Հայաստանում նրանց դյուրին ու արագ ինտեգրմանը։
Կարդալ ավելին
«Ամենաքաղաքացի». իրավունքների ևւ պարտականությունների ճանաչումը խաղի միջոցով
«ԿԱԶԱ» հիմնադրամը տարիներ շարունակ մշակում, կիրառում և տարածում է քաղաքացիական կրթությանը նպաստող ուսուցողական խաղեր, որոնք արդյունավետորեն օգտագործվում են ինչպես ֆորմալ, այնպես էլ ոչ ֆորմալ կրթության շրջանակներում։
«Ամենաքաղաքացի»-ն այս շարքի հերթական խաղն է, որի կոնցեպտուալ նախատիպը Հնդկաստանում գործող ComMutiny – The Youth Collective կազմակերպության կողմից ստեղծված Samvidhan Live – The Jagrik project համազգային խաղ-նախաձեռնությունն է։ Ոգեշնչվելով այս նախաձեռնությունից՝ «ԿԱԶԱ» շվեյցարական մարդասիրական հիմնադրամը տեղայնացրել է այն հայ երիտասարդների ուսուցողական կարիքներին համապատասխան։
Կարդալ ավելին
Դարյա Ժումելը՝ «ԿԱԶԱ»-ի Գյումրու հյուրատան զարգացմանն ուղղված իր նախաձեռնության մասին
Դարյա Ժումելը Եվրոպական համերաշխության կորպուսի (ԵՀԿ, անգլ․ European Solidarity Corps) ֆրանսիացի կամավոր է, որը 2019 թ.-ի դեկտեմբերից ի վեր իր առաքելությունն է իրականցնում Հայաստանում։ Նա առավելապես ներգրավված է «ԿԱԶԱ» շվեյցարական մարդասիրական հիմնադրամի զբոսաշրջային ծրագրերում։ Դարյայի հետ զրուցել ենք «ԿԱԶԱ»-ի Գյումրու կենտրոնի հյուրատան զարգացմանն ուղղված իր նախաձեռնության և Հիմնադրամի գործունեության թվայնացմանն առնչվող այլ հարցերի շուրջ:
Կպատմե՞ք «ԿԱԶԱ»-ում Ձեր փորձառության մասին և ինչու՞ որոշեցիք զբաղվել Հիմնադրամի հենց մարքեթինգային գործունեությամբ։
Կրթությամբ էլեկտրոնային անիմատոր եմ և մասնագիտանում եմ հատկապես բրենդինգ մարքեթինգի ոլորտում։ Բացի այդ, թվային մարքեթինգի, հաղորդակցության և առևտրի բնագավառներում բազմամյա փորձ ունեմ, ինչպես նաև Ֆրանսիայում որոշ ժամանակ աշխատել եմ նաև տուրիզմի ոլորտում։
Կարդալ ավելին
Ոչ հայալեզու փախստականների համար հայոց լեզվի դասընթացների կազմակերպման մրցույթ
«ԿԱԶԱ» շվեյցարական մարդասիրական հիմնադրամը, որպես ՄԱԿ ՓԳՀ հայաստանյան գրասենյակի գործընկեր, «Փախստականների կենսաապահովում և սոցիալ-տնտեսական ինտեգրում» ծրագրի շրջանականերում նախատեսում է իրականացնել հայոց լեզվի դասընթացներ Հայաստանում բնակվող տարբեր տարիքային խմբերի, ազգության և հայոց լեզվի տարբեր մակարդակներ ունեցող փախստականների համար։
Կարդալ ավելին
Հանրային կապերի և հաղորդակցության մասնագետ
Աշխատանքի տևողությունը` առնվազն 1 տարի (3 ամիս վճարվող փորձաշրջան)
Աշխատանքի սկիզբը` մարտի 1, 2024թ․
Դրույք՝ ոչ լրիվ
Աշխատանքի վայրը` «ԿԱԶԱ» շվեյցարական մարդասիրական հիմնադրամ, Լուսինյանց 23 (նաև այցեր մարզեր)
Հանրային կապերի և հաղորդակցության մասնագետը պատասխանատու է կազմակերպության ռազմավարական հաղորդակցության և հասարակայնության հետ կապերի համար: Աշխատանքն ուղղված է այնպիսի նախաձեռնությունների մշակմանը և իրականացմանը, որոնք բարձրացնում են կազմակերպության և իր ծրագրերի մասին տեղեկացվածությունը, տեսանելիությունը, հասանելիությունը, ճանաչելիությունը, համագործակցային հնարավորությունները, հեղինակությունը:
Կարդալ ավելին
«Փախստականների կենսաապահովում և սոցիալ-տնտեսական ինտեգրում» ծրագիր
«ԿԱԶԱ» շվեյցարական մարդասիրական հիմնադրամը, որպես ՄԱԿ ՓԳՀ հայաստանյան գրասենյակի գործընկեր, իրականացնում է «Փախստականների կենսաապահովում և սոցիալ-տնտեսական ինտեգրում» ծրագիրը հիմնականում ոչ էթնիկ հայ փախստականների համար: Ծրագրի հիմնական նպատակն է դյուրացնել նրանց տնտեսական, սոցիալական, մշակութային ինտեգրումը Հայաստանում: Հիմնադրամը ծրագրի շրջանակներում հանձնառություն է ստանձնել շահառուների այս խմբին համապարփակ աջակցություն տրամադրել, որն իր մեջ ներառում է կրթությունը, մասնագիտական ուսուցումը, սոցիալական ծառայությունները՝ ապահովելու տեղում ինտեգրման ամբողջական և կայուն գործընթաց:
Ծրագրային թիմը համալրելու համար հիմնադրամը հայտարարում է «Փախստականների կենսաապահովում և սոցիալ-տնտեսական ինտեգրում» ծրագրի դեպքերի վարման բաղադրիչի համակարգողի թափուր հաստիք։
Կարդալ ավելին
«Հայաստանի երիտասարդ քաղաքացիներ․ քաղաքացիական մասնակցության խթանում սոցիալական նորարարության միջոցով» ծրագիր
«ԿԱԶԱ» հիմնադրամը 2022թ․ սեպտեմբերից մեկնարկել է եռամյա ծրագիր՝ ուղղված երիտասարդների քաղաքացիական մասնակցության ու նորարար մտածողության խթանմանը։ Այս ծրագրի հիմք է ծառայել հիմնադրամի կողմից 2011թ․-ից իրականացվող քաղաքացիական կրթության ծրագիրը։
Ծրագրային թիմը համալրելու համար Հիմնադրամը հայտարարում է Երիտասարդական խմբերի համակարգողի թափուր հաստիք։
Մանրամասն նկարագիրը՝ ստորև։
Կարդալ ավելին
Առցանց հարթակում աշխատող տաքսի ծառայության գնահարցում
«ԿԱԶԱ» շվեյցարական մարդասիրական հիմնադրամը հայտարարում է գնահարցում առցանց հարթակում աշխատող տաքսի ծառայության վերաբերյալ:
Կարդալ ավելին
Օդափոխության-ջեռուցման-սառեցման համակարգերի տեղադրման ծառայության գնահարցում
«ԿԱԶԱ» շվեյցարական մարդասիրական հիմնադրամը հայտարարում է գնահարցում օդափոխության-ջեռուցման-սառեցման համակարգերի տեղադրման ծառայության վերաբերյալ:
Կարդալ ավելին
Տարածքի ներքին հարդարման և տանիքի վերանորոգման ծառայության գնահարցում
«ԿԱԶԱ» շվեյցարական մարդասիրական հիմնադրամը հայտարարում է գնահարցում տարածքի ներքին հարդարման և տանիքի վերանորոգման ծառայության վերաբերյալ:
Կարդալ ավելին
Արևային ֆոտովոլտային կայանի տեղադրման ծառայության գնահարցում
«ԿԱԶԱ» շվեյցարական մարդասիրական հիմնադրամը հայտարարում է գնահարցում արևային ֆոտովոլտային կայանի տեղադրման ծառայության վերաբերյալ:
Կարդալ ավելին
Տարածքի ճարտարապետական նախագծի մշակման ծառայության Գնահարցում
«ԿԱԶԱ» շվեյցարական մարդասիրական հիմնադրամը հայտարարում է գնահարցում տարածքի ճարտարապետական նախագծի մշակման ծառայության վերաբերյալ:
Կարդալ ավելին
«ԽԹԱՆ» սոցիալական ձեռնարկատիրության ինկուբատոր ծրագրի 2-րդ փուլ
Մեկնարկում ենք «ԽԹԱՆ» սոցիալական ձեռնարկատիրության ինկուբատոր- ծրագրի 2-րդ փուլը։
Ծրագրին կարող են դիմել Շիրակ, Լոռի, Տավուշ մարզերից։Դիմելու համար խնդրում ենք լրացնել հայտադիմումը https://bit.ly/3FkTOdQ
Դիմելու վերջնաժամկետը հունվարի 25, ժամը՝ 23:59:
Կարդալ ավելին
