Ծրագիրը նպատակ ունի հզորացնել Հայաստանի երիտասարդներին՝ դառնալու երկրի ոչ նյութական մշակութային ժառանգության պահպանման դեսպաններ։ Նորարարական, ոչ ֆորմալ և խաղային կրթական մեթոդների միջոցով ուսուցիչներն օգնում են երիտասարդներին հպարտությամբ գիտակցել իրենց մշակույթի հարստությունը և դրանով նպաստել երկրի միասնականության ամրապնդմանը։
Ի՞նչ է ներառում ծրագիրը։
- Ինովարիում. երիտասարդ դեսպաններ. ինովարիումը խաղային կրթական մոդել է՝ ստեղծված «ԿԱԶԱ»-ի կողմից քաղաքացիական կրթության ծրագրերի շրջանակում։ Այն նպատակ ունի խրախուսել երիտասարդներին իրականացնել տեղական նախաձեռնություններ, որոնք կարող են ակտիվացնել համայնքային կյանքը։ Այդ նպատակով կձևավորվի 10 տարածաշրջանային թիմ։
- Ուսուցիչների վերապատրաստում․ Հայաստանի տարբեր դպրոցներից 20 ուսուցիչ կմասնակցեն վերապատրաստման ծրագրի՝ իրականացնելու տեղական նախաձեռնություններ, որոնք կարժևորեն ոչ նյութական մշակութային ժառանգությունը և կնպաստեն դրա տարածմանը։
- Շրջանավարտների զարգացում․ ծրագրի նախորդ տարեշրջանի արդյունքում ձևավորվել է նվիրված ուսուցիչների խումբ, որոնք կմասնակցեն ծրագրին որպես մենթորներ։
- Մեթոդաբանական նյութերի ստեղծում․ ոչ նյութական ժառանգությանը նվիրված ռեսուրսների օգտագործումը բարելավելու և աջակցելու մեթոդաբանական նյութերի մշակում։
- Մարզային աշխատարաններ․ 10 աշխատարան տարբեր վայրերում (դպրոցներ, երիտասարդական ակումբներ)՝ հավաքված նյութերը լայն հանրությանը ներկայացնելուն համար։
- Եզրափակիչ փառատոն․ մեկօրյա միջոցառում՝ նախատեսված 70 մասնակցի համար, որը համատեղում է կոնֆերանս և գործնական աշխատարաններ՝ մասնակիցների, փորձագետների և հրավիրյալների համար։
Ո՞ւմ է ուղղված ծրագիրը։
- 30 երիտասարդ (14–25 տարեկան) Հայաստանի 10 համայնքներից։
- 20 ուսուցիչ Հայաստանի տարբեր դպրոցներից։
- 15 ուսուցիչ նախորդ տարեշրջանից։
- 20 մասնակից 10 մարզային աշխատարաններից յուրաքանչյուրում։
- 200 ից ավել փառատոնի մասնակիցներ։
Ֆինանսավորում
- Œuvre d’Orient
- «ԿԱԶԱ» հիմնադրամ
