Ավելի քան քսան տարի է, ինչ «ԿԱԶԱ» շվեյցարական մարդասիրական հիմնադրամը ներգրավված է Հայաստանում զբոսավարների պատրաստման և զբոսաշրջության զարգացման գործում։ Ծրագրի նպատակն է խթանել համերաշխ զբոսաշրջության զարգացումը Հայաստանում՝ նպաստելով ներքին զբոսաշրջությանը, որը կարևոր է ինչպես մշակութային, այնպես էլ տնտեսական առումով։
Ի՞նչ է ներառում ծրագիրը։
- Զբոսավարների տեսական (առկա և առցանց) և գործնական դասընթաց։
- «Հայրենաճանաչություն»՝ թեմատիկ վեբինարների շարք Հայաստանի տարբեր դպրոցների ուսուցիչների համար, որի նպատակն է կազմակերպել կրթական դպրոցական էքսկուրսիաներ և բարձրացնել երիտասարդների իրազեկվածությունը իրենց ժառանգության նկատմամբ։
- Արտադպրոցական մշակութային զբոսաշրջային երթուղիների զարգացում։
Ո՞ւմ է ուղղված ծրագիրը։
- Բարձրագույն կամ միջին մասնագիտական կրթություն ունեցող և առնվազն մեկ օտար լեզվի տիրապետող անձանց համար։
- Հայաստանի տարբեր մարզերի ուսուցիչների համար։
- Մասնավոր և պետական դպրոցների համար։
Ֆինանսավորում
- Տրուանե համայնք (Շվեյցարիա)
- «ԿԱԶԱ» հիմնադրամ
