Ուսուցողական խաղեր՝ ստեղծված «ԿԱԶԱ»-ի կողմից երիտասարդների քաղաքացիական կրթությանը նպաստելու նպատակով
«ՖՈՒՏՈՒՐՈ»․ ԾԱՆՈԹԱՆՈՒՄ ԵՆՔ ԿԱՅՈՒՆ ԶԱՐԳԱՑՄԱՆ ՆՊԱՏԱԿՆԵՐԻՆ
Խաղի գաղափարը պատկանում է «ԿԱԶԱ» շվեյցարական մարդասիրական հիմնադրամին: Այն ստեղծվել է «Կայուն զարգացման ուսուցում» ծրագրի շրջանակներում, որն իրականացվում է հիմնադրամի կողմից՝ «Հայաստան» համահայկական հիմնադրամի Ֆրանսիայի տեղական մարմնի աջակցությամբ:
«Ֆուտուրո» խաղը նախատեսված է 12 և բարձր տարիքի դեռահասների համար: Այն միտված է օգնելու «Կայուն զարգացում 2030» օրակարգը բերել մեր իրականություն՝ պետական ռազմավարությանը, ազգային զեկույցներին և միջազգային ծրագրերին զուգահեռ, հասկանալ՝ որոնք են կայուն զարգացման նպատակները, ինչպես են դրանք արտահայտված գլոբալ և լոկալ համատեքստերում:
Կարդալ ավելին
«ԱՄԵՆԱՔԱՂԱՔԱՑԻ». ԻՐԱՎՈՒՆՔՆԵՐԻ ԵՎ ՊԱՐՏԱԿԱՆՈՒԹՅՈՒՆՆԵՐԻ ՃԱՆԱՉՈՒՄԸ ԽԱՂԻ ՄԻՋՈՑՈՎ
«Ամենաքաղաքացի» խաղը ստեղծվել է «Երիտասարդների հզորացում քաղաքացիական կրթության և միջմշակութային հաղորդակցության միջոցով» ծրագրի շրջանակներում՝ Brot für die Welt կազմակերպության աջակցությամբ։ Խաղի հիմնական նպատակն է բարելավել Սահմանադրությամբ ամրագրված իրավունքների և պարտականությունների իմացությունը հայ երիտասարդների շրջանում և նպաստել որպես քաղաքացի դրանց իրացմանը։
«Ամենաքաղաքացի» խաղի կոնցեպտուալ նախատիպը Հնդկաստանում գործող ComMutiny – The Youth Collective կազմակերպության կողմից ստեղծված Samvidhan Live – The Jagrik project համազգային խաղ-նախաձեռնությունն է։ Ոգեշնչվելով այս նախաձեռնությունից՝ «ԿԱԶԱ» շվեյցարական մարդասիրական հիմնադրամը տեղայնացրել է այն հայ երիտասարդների ուսուցողական կարիքներին համապատասխան։
Խաղը բաղկացած է 6 իրավունքի և 6 պարտականության, ինչպես նաև մեկ բոնուս քարտից, որի առաջադրանքները վերաբերում են կանանց և տղամարդկանց իրավահավասարությանը: Բոլոր 12 խաղաքարտերն իրենց հերթին բաղկացած են երկու բաժիններից՝ «Միասին» և «Ես»։ «Միասին» բաժնի առաջադրանքները մասնակիցներն իրականացնում են զույգերով՝ կատարելով ուսումնասիրություններ, իրազեկելով և իրականացնելով տարբեր նախաձեռնություններ, համագործակցելով համայնքի այլ անդամների հետ: «Ես» բաժնի առաջադրանքները զույգի յուրաքանչյուր անդամ կա- տարում է ինքնուրույն։ Դրանք ուղղված են ինքնազարգացմանն ու ինքնակազմակերպմանը:
Կարդալ ավելին
«ՔԱՐԿԱՊ»․ ՄԻՋՄՇԱԿՈՒԹԱՅԻՆ ՀԱՂՈՐԴԱԿՑՄԱՆ ՀՄՏՈՒԹՅՈՒՆՆԵՐԸ ԶԱՐԳԱՑՆՈՂ ԽԱՂ
«Քարկապ» խաղը ստեղծվել է «Երիտասարդների հզորացում քաղաքացիական կրթության և միջմշակութային հաղորդակցության միջոցով» ծրագրի շրջանակներում՝ նպատակ ունենալով զարգացնել երիտասարդների միջմշակութային հաղորդակցման հմտությունները։
Խաղը կարող է կարևոր քայլ հանդիսանալ այլ մշակույթների հանդեպ հետաքրքրության բարձրացման և անծանոթ իրավիճակներում ավելի լավ կողմնորոշվելու հարցում։
«Քարկապ»-ը խաղալու համար անհրաժեշտ է առնվազն 4 մասնակից։ Այն կստիպի մտորել մշակութային հանդուրժողականության և կարծրատիպերի մասին, ինչպես նաև կխրախուսի բացահայտել ձեր շրջապատում բնակվող այլ մշակույթների կրողներին:
Խաղը կարող եք ձեռք բերել՝ դիմելով «ԿԱԶԱ» հիմնադրամի Երևանի և Գյումրու կենտրոններ:
«ՍԻՄԲՈԼՈՒՍ»․ ՄԻՋՄՇԱԿՈՒԹԱՅԻՆ ՀԱՂՈՐԴԱԿՑՄԱՆ ՀՄՏՈՒԹՅՈՒՆՆԵՐԸ ԶԱՐԳԱՑՆՈՂ ԽԱՂ
«Սիմբոլուս» խաղը մշակվել է «Երիտասարդների հզորացում քաղաքացիական կրթության և միջմշակութային հաղորդակցության միջոցով» ծրագրի շրջանակներում՝ Brot für die Welt կազմակերպության աջակցությամբ։ Ծրագիրը մեկնարկել է 2017 թվականին՝ նպատակ ունենալով նպաստել երիտասարդների շրջանում քաղաքացու ինքնության և մշակութային իրազեկվածության, Հայաստանում ժողովրդավարական, թափանցիկ և բազմազան հասարակության զարգացմանը:
Խաղի նպատակն է խթանել այսօրվա աշխարհում «միասին ապրելու» և հաղորդակցվելու մոտեցման զարգացումը, քանի որ մշակույթները տարբեր են և բազմազան, սակայն ունեն շատ ընդհանրություններ ու նմանություններ։
Խաղը հետաքրքրություն է առաջացնում մշակութային համատեքստում տարբեր խորհրդանիշների դերի և նշանակության բացահայտման տեսանկյունից և խթանում է միջմշակութային հաղորդակցության հմտությունների զարգացումը։
«Սիմբոլուս»-ը կարելի է խաղալ և՛ ֆորմալ, և՛ ոչ ֆորմալ կրթական միջավայրերում (դպրոց, ճամբար և այլն)՝ որպես ուսուցողական դասընթացի մաս:
Այս խաղը կարող են խաղալ 12 տարեկանից բարձր անձինք։ Նախապես պատրաստվելու կարիք չկա. պարզապես պետք է հետաքրքրված լինել այլ մշակույթներով։
«Սիմբոլուս»-ը կարող եք ձեռք բերել ՝ դիմելով «ԿԱԶԱ» հիմնադրամի Երևանի և Գյումրու կենտրոններ:
«Յալլա». սովորում ենք արեվմտահայերեն եվ արեվելահայերեն
«Յալլա» խաղը ստեղծվել է «ԿԱԶԱ» հիմնադրամի՝ երիտասարդների ինտեգրման ծրագրի շրջանակներում: Այն թիմային խաղ է, որը հնարավորություն է տալիս ծանոթանալու արևմտահայերենում և արևելահայերենում հաճախ գործածվող բառերին և դրանց նշանակություններին: Այսպիսով՝ խաղը նպատակ ունի ավելի հասկանալի դարձնել շփումը սփյուռքահայերի և տեղացիների միջև:
Խաղը բաղկացած է 79 քարտից, որոնց վրա գրված են գոյականներ, բայեր, ածականներ և հատուկ անուններ, ինչպես նաև բառարանից, որտեղ կարող եք գտնել բառերի բացատրությունները: Այն նախատեսված է 12 տարեկանից բարձր մասնակիցների համար: Ցանկալի է, որ խաղի մասնակիցների մեջ լինեն և՛ սփյուռքահայեր, և՛ տեղացի հայեր:
«Յալլա»-ն կարող է ուրախ և ուսուցողական համատեղ ժամանց ապահովել սփյուռքահայ և տեղացի երիտասարդների համար:
Խաղը կարող եք ձեռք բերել՝ դիմելով «ԿԱԶԱ» հիմնադրամի երևանյան և Գյումրու կենտրոններ:
«Պերսիպիո». խոսում ենք հասարակական խնդիրների մասին նկարազարդ քարտերով
«Պերսիպիո» խաղը ստեղծվել է «ԿԱԶԱ» հիմնադրամի կողմից՝ ՄԱԿ-ի Մանկական հիմնադրամի հայաստանյան գրասենյակի աջակցությամբ: Խաղը մշակվել է «Երիտասարդները հանուն զարգացման» ձեռնարկին զուգահեռ՝ նպատակ ունենալով դյուրացնել հասարակական խնդիրների մասին քննարկումները երիտասարդների շրջանում:
Խաղի բաղկացուցիչ մասն են կազմում նկարազարդ խաղաքարտերը, որոնց վրա պատկերված են ժամանակակից լեհ նկարիչ Պավել Կուչինսկու ստեղծագործությունները: Պ. Կուչինսկին իր նկարների միջոցով ներկայացնում է ժամանակակից աշխարհի տարբեր մարտահրավերներ՝ անդրադառնալով սոցիալական, քաղաքական, բնապահպանական և այլ ոլորտների:
«Պերսիպիո»-ն հետաքրքիր և ուսուցողական ժամանց կարող է ապահովել՝ ակտիվացնելով ձեր երևակայությունն ու ասոցիացիաները:
Խաղը ստեղծվել է 2 լեզվով՝ հայերեն և անգլերեն: Այն կարող եք ձեռք բերել՝ դիմելով «ԿԱԶԱ» հիմնադրամի երևանյան և Գյումրու կենտրոններ:
«Սիվիկ». բառերի և դերերի աշխարհում
«Սիվիկ» խաղը ստեղծվել է «ԿԱԶԱ» հիմնադրամի կողմից՝ ՄԱԿ-ի Մանկական հիմնադրամի հայաստանյան գրասենյակի աջակցությամբ: Խաղը մշակվել է «Երիտասարդները հանուն զարգացման» ձեռնարկին զուգահեռ՝ նպատակ ունենալով դյուրացնել երիտասարդների քաղաքացիական ընկալումների, մոտեցումների և կարծրատիպերի բացահայտումը:
Խաղը բաղկացած է 41 քարտից, որոնց վրա գրված են պարզ և բարդ գոյականներ, բայեր, ածականներ, բառակապակցություններ, հատուկ անուններ: Խաղի առանձնահատկություններից են 11 դերային խաղաքարտերը, որոնց օգնությամբ մասնակիցները բառերը բացատրելիս պետք է ստանձնեն տարբեր դերեր: Խաղի ուսուցողական ներուժի բարձրացման համար խորհուրդ ենք տալիս գրանցել անծանոթ կամ դժվար բացատրվող բառերը և փնտրել դրանց բացատրությունները, ինչպես նաև կազմակերպել քննարկում, վերլուծել և հասկանալ, թե ինչու էին խաղացողները այս կամ այն դերը/բառը հենց այդպես ընկալում:
«Սիվիկ»-ը կարող է ուրախ և ուսուցողական ժամանցի տարբերակ լինել:
Խաղը ստեղծվել է 2 լեզվով՝ հայերեն և անգլերեն: Այն կարող եք ձեռք բերել՝ դիմելով «ԿԱԶԱ» հիմնադրամի երևանյան և Գյումրու կենտրոններ:
«Էնթեր Դիգնիթիլենդ». սոցիալական իրավունքները սովորեցնող խաղ
«Էնթեր Դիգնիթիլենդ»-ը սոցիալական իրավունքների մասին ուսուցողական խաղ է՝ մշակված երիտասարդների համար, որտեղ խաղացողները Դիգնիթիլենդ կոչվող երևակայական երկրի խորհրդարանի անդամներ են: Նրանք պետք է որոշեն, թե ինչպիսին է լինելու սոցիալական իրավունքներին վերաբերող սոցիալական քաղաքականության՝ հաջորդ հինգ տարիների զարգացման ծրագիրը: Որոշումների կայացման գործընթացների միջոցով խաղացողները նոր գիտելիքներ են ձեռք բերում սոցիալական իրավունքների և սոցիալական քաղաքականության հետ դրանց ունեցած կապերի մասին:
«Էնթեր Դիգնիթիլենդ» խաղը մշակվել է երիտասարդների համար սոցիալական իրավունքների հասանելիության առաջխաղացմանը միտված «ENTER!» ծրագրի, ինչպես նաև Եվրոպական սոցիալական խարտիայի 50-ամյա տարեդարձի շրջանակներում: «ԿԱԶԱ» հիմնադրամը խաղը թարգմանել է հայերեն՝ Եվրոպայի խորհրդի թույլտվությամբ:
Այն կարող եք ձեռք բերել՝ դիմելով «ԿԱԶԱ» հիմնադրամի երևանյան և Գյումրու կենտրոններ:
